भूमि ब्यवस्था, सहकारी तथा गरीबी निवारण मन्त्रालयले देशभरका मालपोत कार्यालयहरुलाई परिपत्र गर्दै पैत्रिक सम्पत्तिमा महिला पुरुषको समान हक कायम गर्न निर्देशन दिएको छ ।
भूमि ब्यवस्था, सहकारी तथा गरीबी निवारण मन्त्री शशी श्रेष्ठको मन्त्रिस्तरीय निर्णयपछि या निर्देशन जारी गरिएको हो ।
सम्पत्तिमा महिला पुरुष तथा छोराछोरीबीच समान अधिकारको संवैधानिक तथा कानूनी ब्यवस्था भए पनि अहिलेसम्म कार्यान्वायन हुन सकिरहेको छैन । अब मन्त्रालयले सबै मालपोत कार्यालयहरुलाई परिपत्र गर्दै कुनै विभेद नगरी सबै अंशियारहरुले समान अंश पाउने ब्यवस्था कार्यान्वायन गर्न भनेको छ ।
अहिले अंशबण्डा गर्दा छोराको मात्रै भाग लाग्ने गरिएकोमा अब छोराछोरीलाई विभेद नगरी अंशबण्डा गर्न निर्देशन दिइएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
