दाङमा नेकपा एमालेका माधव नेपाल पक्षले बनाएका सबै कमिटी नेकपा एकीकृत समाजवादीका कमिटीहरुमा रुपान्तरण भएका छन् ।
सो पार्टीको जिल्ला कार्यालय बैठकले यस्तो निर्णय गरेको हो । जिल्ला अध्यक्ष सुरामणि बेलबासेको अध्यक्षता र केन्द्रीय सदस्य जोगबहादुर रानाको प्रमुख आतिथ्यमा भएको बैठकले घोराहीको तुलसीपुर चोकनजिक पार्टी कार्यालय स्थापना गर्ने र कार्यालय सञ्चालनका लागि कार्यालय सचिव गजेन्द्र खड्काको संयोजकत्वमा कार्यालय सञ्चालन कमिटी गठन गर्ने निर्णय गरेको छ ।
बैठकले संगठित सदस्यता नवीकरण तथा वितरण गर्ने, संगठन र जनसंगठन निर्माण अभियान चलाउने, वैचारिक अभियान सञ्चालन गर्नेलगायतका निर्णय गरेको जिल्ला अध्यक्ष बेलबासेले जानकारी दिनुभयो ।
बैठकले जिल्ला सचिव पदम केसीका बुवाको निधनमा शोक प्रस्ताव पारित गरेको छ । बैठकमा पार्टी नेताहरु तिलक केसी, वीरबहादुर केसी, भुपबहादुर केसी, डिल्ली डाँगी, मीना गुरुङलगायतले बोल्नुभएको थियो । जिल्ला उपाध्यक्ष चुर्णबहादुर ओलीको स्वागत मन्तव्यबाट शुरु भएको कार्यक्रम सञ्चालन उपसचिव डिल्ली पुनले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
