दाङको घोराही उपमहानगरपालिका १८ घोरदौरामा निर्माण गरिएको सांस्कृतिक डबली निर्माण पूरा नहुँदै भत्किएको छ ।
डबलीको पश्चिमतर्फको गाह्रो भत्किएको छ छ भने डबलीको मञ्च पनि चर्किएको छ । त्यस्तै दर्शकदीर्घामा लगाइएको पेटी कामै नलाग्ने गरी चर्केको छ ।
टाढाबाट स्टेल ल्याएर बनाइएको दर्शकदीर्घाको पेटी कामै नलाग्ने गरी भत्किएको छ ।
जमीन सतहबाट कुनै बलियो गारो नलाएर माटोमाथि पेटी लगाएका माटो दबेपछि पेटी भत्किएको हो ।
त्यसैगरी मञ्चको पूर्वतर्फ बनाउँदै गरेको शौचालय पनि भत्किएको छ ।
प्राबिधिकहरुले गलत डिजाइन गरेका कारण यस्तो अवस्था आएको जानकारहरुको भनाइ छ ।
बाहिर बसेर कम्प्युटरका भरमा बनाएको डिजाइनका आधारमा निर्माण गर्दा संरचना निर्माणले पूर्णता नपाउँदै यति धेरे क्षति भएको छ ।
यसबाट निर्माण कम्पनीलाई पनि घाटा भएको छ भने राज्यको सम्पत्तिको क्षति पुगेको छ ।
प्रदेश सरकारको लगानीमा करोड बढीको लगानीमा सांस्कृतिक डबलीका संरचना बन्दैछन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
