नेकपा माओवादी केन्द्रका स्थायी समिति सदस्य एवं पूर्वमनत्री जनार्दन शर्मा ‘प्रभाकर’ले हरेक संकट युद्ध भएको बताउँदै युद्ध जित्न नेताहरु नै जनताको बीचमा जानुपर्ने बताउनुभएको छ ।
गृह जिल्ला रुकुमका सबै स्थानीय तहमा पुगेर कोरोना संकट ब्यवस्थापनको नेतृत्व लिइरहनुभएका शर्माले संकटको बेलामा भाग्ने नेता हुन नसक्ने बताउनुभयो । जनयुद्धका पूर्वकमाण्डरसमेत रहेका शर्मा अहिले आफ्ना मतदाताको सुरक्षाका लागि जनताको बीचमा पुग्नुभएको छ ।
नेता शर्माले यो महामारीलाई सहजलाई स्वीकार गर्दै सामना गर्नुपर्ने बताउनुभयो । ‘महामारी आइसक्यो । आइसकेपछि रोएर, कराएर, चिच्चयाएर यो भाग्नेवाला छैन । यसैले रोकथाम गरेर यसलाई जित्ने कुरा हो । यो एउटा युद्ध हो । युद्ध भएकाले कहाँ कसरी आक्रमण हुन्छ भन्ने थाहा हुँदैन । तर युद्धमा जित हात पार्ने, जित्ने प्रयास अनेक तरहबाट गर्नुपर्छ ।’
उहाँले हामी जहाँ छौं, त्यहीबाट जिम्मेवारीपूर्वक लाग्नुपर्ने बताउनुभयो । ‘हामीसँगको स्रोत साधन, र जनशक्तिको एकीकृत परिचालनबाट सफलता मिल्छ । सबै तह, तप्का, निकायहरु अलि फरवार्ड बनौं । सूचना, सञ्चार, रिर्पोटिङ र समन्वयमा ल्याप्सेस नगरम । यसले पनि समस्या बनाइरहेको छ । सूचना चाहियो, रिर्पोटिङ चाहियो र समन्वय पनि सहि ढंगले हुनुपर्छ । त्यसले मात्रै पहल कदमी लिन मद्दत गर्छ । यो महामारी ठूलो युद्ध हो । ठूलो युद्धमा सबै लड्नुपर्छ । एउटाले मात्रै यो जित्न सकिदैन । यस लडाइका कमाण्डर डाक्टर र स्वास्थ्यकर्मीहरु हुन् बाँकी सबै हामी सेना हौं । हामी विना वर्दिका सेनाका रुपमा लडौं’– उहाँले भन्नुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।