प्रवासी नेपाली विद्यार्थी संगठन अष्ट्रेलिया तथा संगठनका अभियन्ता विवेक महराको पहलमा रोल्पाका एक मृगौलापीडितलाई ५० हजार सहयोग हस्तान्तरण गरिएको छ ।
संगठनको अगुवाइमा संकलित ५० हजार दुइ सय ४१ रुपैयाँ मृगौलापीडित विरामी शिवशेष महरालाई हस्तान्तरण गरिएको हो । विरामी हाल दाङको घोराही उपमहानगरपालिका १५ मा बसोबास गर्दै आउनुभएको छ ।
रोल्पाको रोल्पा नगरपालिका ५ निवासी महरालाई डायलासिस गर्न सहयोग गरिएको हो ।
रोल्पा नगरपालिकाका प्रमुख प्रशासकीय अधिकृत मोहन पौडेलले सहयोगका लागि सिफारिस गरेकाले प्रवासी विद्यार्थीको अगुवाइमा सहयोग संकलन गरेर पठाइएको अभियन्ता विवेक महराले जानकारी दिनुभयो ।
रोल्पाकै गंगादेव गाउँपालिका २ ओइलाममा जन्मेर दाङको तुलसीपुरमा स्थायी बसोबास रहेका विवेक हाल अष्ट्रेलियामा अध्ययनरत हुनुहुन्छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
