घोराहीको न्यूरोडमा सूचना प्रविधिका सबै सामान र सेवा एउटै ठाउँमा पाइने गरी आइटी हब सञ्चालनमा आएको छ ।
दाङ जिल्ला उद्योग वाणिज्य संघका अध्यक्ष नारायणप्रसाद भुसालले आइटी हबको उद्घाटन गर्नुभएको हो । सबै कम्प्युटर आइटमको बिक्री तथा मर्मत, सिसि क्यामेरा जडानलगायतका सेवा प्रवाह गरिने आइटी हबका सञ्चालक संकल्प आचार्यले जानकारी दिनुभयो ।
सबै ब्राण्डेड कम्प्युटर र ल्याबटपलगायत सूचना प्रबिधिसँग सम्बन्धित उपकरण काठमाडौंको भन्दा सस्तो मूल्यमा उपलब्ध गराउने पनि उहाँले जानकारी दिनुभयो । त्यस्तै विद्यालय बैंकहरुमा गएर नेटवर्किङका सेवा दिने पनि आचार्यले जानकारी दिनुभयो ।
‘नेकवर्किङ र सेक्युरिटी सर्भिस उपलब्ध गराउनसक्छौं’– कम्यूटर नेटवर्किङ र सेक्युरिटीमा स्नातक आचार्यले भन्नुभयो । औपचारिक अध्ययनबाट सिकेको सीप जागीरमा मात्रै लगाउनुभन्दा आफैले केही सिर्जनशील काम गरौं र दाङबासीलाई सेवा दिऔं भनेर ब्यापार शुरु गरिएको आचार्यले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
