रुकुम पुर्वमा उत्तिसको रुखबाट खसेर एक युवकको ज्यान गएको छ । जिल्लाको सिस्ने गाउँपालिका वडा नम्बर ५ टाकुरा निवासी २७ वर्षिय जनक बुढाथोकीको उत्तिसको रुखबाट लडेर ज्यान गएको जिल्ला प्रहरी कार्यालय रुकुम पुर्वका डिएसपि गजुसिद्धि बज्राचार्यले जानकारी दिनुभएको छ ।
हिजो साझ घर नजिकैको उत्तिसको रुखमा रहेको अरिङगाल पोल्न भनि परिवार सहित गएका बुढाथोकी साझ करिव ७ बजेतिर रुखबाट खसेर गम्भिर घाइते हुनुभएको थियो । अरिङगाल पोल्न भनि रुखमा चढेका बुढाथोकी रुखको हाङगा भाचिएर खस्नुभएको प्रहरीले जनाएको छ ।
घटना घटे लगतै उपचारका लागि बुढाथोकीका परिवार र आफन्तले जिल्ला अस्पताल रुकुमकोटमा पुर्याएका र अस्पताल पुर्याउदा बुढाथोकीलाई डक्टरहरुले मृत घोषणा गरेका थिए । बुढाथोकीको टाउको, छाति र खुटामा गम्भिर चोट लागेको प्रहरीले जनाएको छ । उनको सबलाई अहिले पोष्टमाटमका लागि जिल्ला अस्पताल रुकुम पुर्वमा राखिएको छ ।
बुढाथोकीका श्रीमति तथा दुई वर्ष र ६ वर्षका दुई छोरी रहेका छन ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
