महेन्द्र माध्यमिक बिधालय बङ्गलाचुली ३ श्रीवारीको विद्यालय ब्यबस्थापन समिति अध्यक्षमा शोभाराज विश्वकर्मा चयन हुनुभएको छ ।

उहाँ सो वडाका अध्यक्ष तथा बङ्गलाचुली गाउँपालिका सामाजिक समितिका संयोजक पनि हुनुहुन्छ ।

बुधवार शिक्षक अभिभावक समितिका अध्यक्ष नेत्रबहादुर खड्काको अध्यक्षतामा भएको अभिभावक भेलाले ६ सदस्यीय समिति सर्बसम्मत चयन गरेको छ। जसमा सदस्यहरु झबिन्द्र भन्डारी, चेतबहादुर डागी, मेनुका भुषाल, शिबा नेपाली र भीमबहादुर राना रहनुभएको छ ।

शिक्षक अभिभावक समिमितिको अध्यक्षमा शिबराज परियार चयन भएको बङ्गलाचुली शिक्षा संयोजक ओमप्रकाश केसीले जानकारी दिनुभयो ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।