नेपाल कम्युनिष्ट पार्टी (नेकपा) कर्णाली प्रदेश संसदीय दलका प्रमुख सचेतक गुलाबजङ शाहलाई पदमुक्त गरिएको छ ।

संसदीय दलका नेतालाई जानकारी नगराइ मंगलवार दलको बैठक बोलाएपछि दल नेता एवं मुख्यमन्त्री महेन्द्रबहादुर शाहीले शाहलाई प्रमुख सचेतकबाट हटाउनुभएको हो ।

नयाँ प्रमुख सचेतकमा सिता नेपालीलाई तोकिएको छ । अब दल नेता शाहीको परामर्शमा आवश्यक परे नेपालीले दलको बैठक बोलाउनसक्नुहुनेछ ।

दलका नेताले प्रमुख सचेतक तोक्ने र हटाउने प्रावधानको प्रयोग गरी शाहलाई बरखास्त गरिएको मुख्यमन्त्री शाहीको सचिवालयले जनाएको छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।