राष्ट्रिययुवा संघ नेपालले आफ्नो केन्द्रीय स्तरको एकता प्रक्रिया टुंगिएको जनाएको छ ।
जसअनुसार ७७ वटै जिल्लामा इञ्चार्ज, सहइञ्चार्ज तथा उपमहानगरपालिकासम्म इञ्चार्ज तोकिएको छ ।
दाङ इञ्चार्जमा सरोज पन्त तोकिनुभएको छ । उहाँ पूर्व वाइसिएलबाट प्रतिनिधित्व गर्दै युवा संघको केन्द्रीय सदस्य हुनुहुन्छ । तत्कालीन जनमुक्ति सेनाहुँदै वाइसिएलमा नेतृत्व सम्हाल्नुभएका पन्त युवाहरुमाफ स्थापित संगठकको रुपमा चिनिनुहुन्छ । त्यस्तै सहइञ्चार्जमा विकास ज्ञवाली तोकिनुभएको छ, उहाँ पूर्व युवा संघको प्रतिनिधित्व गर्दै केन्द्रीय सदस्य रहनुभएको छ ।
जिल्ला संयोजकमा यसअघि नै देबु बस्नेत र सहसंयोजक माधव बुढाथोकीलाई तोकिएको थियो । त्यस्तै केन्द्रीय समितिले केन्द्रीय सदस्यहरु माधव ओलीलाई घोराही र दीपशिखा जीएमलाई तुलसीपुर इञ्चार्ज तोकेको छ ।
त्यस्तै प्युठान इञ्चार्जमा विनोद ओली र सहइञ्चार्ज मुकेश थापा, रोल्पा इञ्चार्जमा अग्रिम पुन र सहइञ्चार्ज पूर्ण खड्का, रुकुमपूर्व इञ्चार्जमा कुमार हमाल र सहइञ्चार्ज सुनिल रोका मगर, सल्यान इञ्चार्जमा खड्क आचार्य, रुकुपश्चिम इञ्चार्जमा जीतबहादुर हमाल र सहइञ्चार्ज लक्ष्मण ओली तोकिनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
