रोल्पा परिवर्तन गाउँपालिकाकी ६५ बर्षीया महिला चुनादेवी ओलीका लागि दाङमा दुइ जनाले रक्तदान गर्नुभएको छ ।
क्यान्सर रोगबाट पीडित ओलीको जीवन बचाउन फोटो पत्रकार कुलदीप न्यौपाने र युवा ब्यवसायी नवीन श्रेष्ठले रक्तदान गर्नुभएको हो । लामो समयदेखि विरामी महिलाका लागि पटकपटक ताजा रगतको आवश्यकता पर्दछ ।
गत जेठमा पनि रगत आवश्यक परेकाले फोटो पत्रकार न्यौपानेले रगत दिनुभएको थियो । यसपटक थप रगत चाहिएकाले न्यौपाने र श्रेष्ठले रगत दिनुभएको हो । आमाको जीवन बचाउन रक्तदान गर्ने न्यौपाने र श्रेष्ठ दुबै जनालाई छोरा नरसिंह ओलीले धन्यवाद दिनुभएको छ ।
आगामी दिनमा यस्तै सहयोगका लागि ‘ए पोजेटिभ’ रक्त समूहका व्यक्तिहरुलाई आग्रह गर्नुभएको छ ।
छोरीको जन्मदिनमा रक्तदान
पछिल्लो समयमा रक्तदान गर्ने संस्कार बन्न थालेको छ । सोही क्रममा घोराही १५ गुलरिया निवासी निशान्त जीएमले छोरीको जन्मदिनमा रक्तदान गर्नुभएको छ ।
रगत अभावमा कसैको ज्यान नजाओस् भनेर छोरीको जन्मदिनमा रचनात्मक सन्देश जाओस् भनेर रक्तदान गरिएको जीएमले बताउनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
