स्वाबलम्बन लघुबित्त बित्तिय संस्था लिमिटेड इलाका कार्यालय घोराहीले केही दिनअघि करेन्ट लागेर निधन भएका बालबालिकाका परिवारलाई सहयोग गरेको छ ।
आफ्नो संस्थाका सदस्य रहेका अभिभावकका बालबालिकाको दुःखद निधन भएपछि सहयोग गरिएको शाखाले जनाएको छ । केही दिनअघि बालिका चौधरीकी चार बर्षीया छोरी रेणुका चौधरी, शान्ता चौधरीका आठ बर्षे छोरा प्रशान्त चौधरी र बिनिता चौधरीका तीन बर्षे छोरा अमृत चौधरीको निधन भएको थियो ।
उहाँहरु तीनै जनाका परिवारलाई दश दश हजार सहयोग गरिएको इलाका प्रबन्धक मोहित नारायण यादवले जानकारी दिनुभयो ।
घोराही उपमहानगरपालिका वडा नम्बर १० का अध्यक्ष चित्रबहादुर डाँगीको उपस्थितिमा इलाका प्रबन्धक मोहित नारायण यादव, शाखा कार्यालय नारायणपुरका शाखा प्रबन्धक बिनोद लम्साल र सोही कार्यालयका सहायक निशान्त जिएमले सहयोग हस्तान्तरण गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।