गएराती प्यूठानमा ट्याक्टर दुर्घटना हुँदा ७ जनाको मृत्यु भएको छ ।
स्वर्गद्वारीको धरम्पानीबाट भिंगृ आउँदै गरेको ट्याक्टर नगरपालिका वडा नं ३ रुमालेमा दुर्घटना भएको हो ।
मृत्यु हुनेमा रोल्पाका रुन्टिगढि गाउँपालिका–५ वाईजाका अन्दाजी २१ वर्षिय सागर वस्नेत, २४ वर्षिय रिम वहादुर वस्नेत, १९ वर्षिय विरेन्द्र वाठा मगर, १९ वर्षिय थमन वाठा मगर, गोर्वधन वुढामगर, २५ वर्षिय कविराम वस्नेत रहेका छन् ।
त्यस्तै ट्याक्टर चालक त्रिवेणि गाउँपालिका निवासी अन्दाजी २५ वर्षिय कमल कुवरको पनि मृत्यु भएको प्यूठान प्रहरीका सूचना अधिकारी प्रहरी निरिक्षक विष्णु पौडेलले जानकारी दिनुभएको छ ।
गए राती १२ः५५ वजेको समयमा स्वर्गद्वारी नगरपालिका ३ रुमाले भन्ने ठाउँमा लु २ च ४२३४ नम्वरको ट्याक्टर दुर्घटना भएको थियो । साउने संक्रान्ति मानेर फर्कने क्रममा दुर्घटना भएको हो । प्रहरीका अनुसार ट्याक्टरमा सवार १ जना भने बाच्न सफल भएका छन् । ट्याक्टर सडकबाट अन्दाजी ५०० मिटर तल छ ।
दुर्घटनापछि नेपाली सेना र नेपाल प्रहरीले उद्धार गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
