दाङको शान्तिनगर गाउँपालिका वडा नम्बर २ का अध्यक्ष फर्साराम डाँगीमाथि भएको आक्रमणको जिम्मा नेत्रविक्रम चन्द ‘विप्लव’ नेतृत्वको नेकपाले लिएको छ ।
सो पार्टीका गाउँपालिका सेक्रेटरी कमल सिंहका नामबाट जारी गरिएको विज्ञप्तिमा विभिन्न आरोप लगाउँदै डाँगीमाथि कारवाही गरिएको उल्लेख छ ।
वडाध्यक्षमाथि कार्यालयमै रड र लाठी प्रहार भएको थियो । मंगलबार बिहान साढे ११ बजे एक समूहले रड र लाठी प्रहार गरेर फरार भएको गाउँपालिका अध्यक्ष कमानसिंह डाँगीले जानकारी दिनुभयो । डाँगीको टाउको र हातमा चोट लागेको छ।
१० जना जति समूहले कार्यालयमा प्रवेश गरी आक्रमण गरेको गाउँपालिका अध्यक्ष डाँगीले जानकारी दिनुभयो । राप्ती प्रदेशिक अस्पताल तुलसीपुरमा डाँगीको उपचार भइरहेको छ । डाँगी नेपाली कांग्रेसबाट निर्वाचित वडाध्यक्ष हुनुहुन्छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
