लकडाउनका कारण जनतामा त्राहीत्राही छ । स्थानीय सरकारहरु यसकै ब्यवस्थापनको चापमा छन्, यही मौका छोपेर राप्ती नदीमा अवैध उत्खनन् डरलाग्दो गरी बढेको छ ।
पछिल्लो समयममा सम्झौता नै नभएको ठाउँमा गएर डोजर लगाएर धमाधम नदी दोहन गरिरहेका छन् ।
यसैबीच गढवा गाउँपालिकाले राप्ती पुलनजिक धर्मपुरघाटबाट एघार टिप्पर र तीन वटा डोजर नियन्त्रणमा लिएको छ । पुलनिजकबाट नदीजन्य पदार्थ उत्खनन् गरिरहेको बेला गाउँपालिकाले नियन्त्रणमा लिएको हो ।
अध्यक्ष सहजराम यादवको नेतृत्वमा गएको टोलीले नियन्त्रणमा लिएको छ । गाउँपालिकासँग कुनै सम्झौता नभएकाले अवैध उत्खनन् गर्ने गाडी नियन्त्रणमा लिइएको गाउँपालिका अध्यक्ष यादवले जानकारी दिनुभयो ।
पछिल्लो समय राप्ती नदी आसपासमा स्थापना भएका क्रसरहरुले राप्ती नदीमा दोहनको आतंक नै मच्चाएको प्रदेशसभा सदस्य इन्द्रजीत थारुले जानकारी दिनुभयो ।
‘डोजर टिप्पर मात्र होइन अब वास्तविक खेलाडीलाई कठघरामा उभ्याउनुपर्छ’– उहाँले भन्नुभयो– ‘कारवाही नहुने अवस्था आए जनताले सेटिङमा संलग्नहरुको नाम सार्वजनिक गर्न बाध्य हुनेछन्, यो चरणमा पुग्न नपरोस् ।’
स्थानीय तहले नियन्त्रणमा लिए पनि प्रहरी प्रशासनले कारवाही गर्ने नगरेको यसअघिदेखि स्थानीयले गुनासो गर्दै आएका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
