घोराही १८ स्थित अम्बापुर खानेपानी तथा सरसफाइ उपभोक्ता समितिले वडास्तरीय राहत कोषमा ५१ हजार सहयोग गरेको छ ।
समितिको आज बसेको बैठकले गरेको निर्णयअनुसार सो सहयोग गरेको हो । समितिका अध्यक्ष बिष्णुप्रसाद भट्टराइले वडा अध्यक्ष भरतमणि अर्याललाई ५१ हजारको चेक हस्तान्तरण गर्नुभएको हो ।
त्यस्तै घोराही १८ अम्बापुर निवासी समाजसेवी ऋषिराज बेलबासेले ५० हजार सहयोग गर्नुभएको छ । त्यसैले गरी साविक वडा नम्बर ५ का पूर्वअध्यक्ष महेन्द्र खनालले २५ हजार सहयोग गर्नुभएको छ ।
विभिन्न टोल विकास संस्था, खानेपानी तथा वन समिति र व्यक्तिहरुबाट राहत कोषमा सहयोग प्राप्त हुने क्रम जारी रहेको अध्यक्ष अर्यालले जानकारी दिनुभयो ।
सो कोषबाट वडाभित्रका अति बिपन्न तथा लकडाउनका कारण छाकबास बन्द भएका व्यक्तिहरुलाई राहत उपलब्ध गराइने छ ।
युगबोध समाचारदाता
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
