कैलालीको गौरीफन्टा नाकाहुँदै आएका कैलालीका एक जना व्यक्ति र उनको परिवारका सदस्यसमेत कोरोनाबाट संक्रमित भएपछि यसको चिन्ता दाङसम्म पुगेको छ ।
ती युवासँगै दाङका दश जना पनि आएको तथ्य बाहिरिएपछि दाङ प्रशासनले विहानैदेखि खोजी थालेको थियो । साँझसम्म दशै जना युवा सम्पर्कमा आएका छन् ।
जसअनुसार घोराही ४ का ६ जना रहेका छन् । उनीहरु भारतको मुम्बइबाट घर आएका हुन् । उनीहरुलाई कोरोना अस्पताल बेलझुण्डी पठाइसकिएको छ ।
त्यस्तै लमही नगरपालिका दुइ र राजपुर गाउँपालिकाका दुइ जना रहेका छन् । उनीहरुलाई पनि साँझसम्म कोरोना अस्पताल बेलझुण्डी पु¥याउने सुरक्षास्रोतले जनाएको छ ।
सबै आज साँझसम्म बेलझुण्डी पुगेपछि भोलि नै स्वाब संकलन गरेर परीक्षणका लागि पठाइने कोरोना अस्पताल बेलझुण्डी ब्यवस्थापन समितिका सदस्य जीवन गौतमले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
