पूर्वप्रधानमन्त्री एवं नयाँ शक्ति पार्टी नेपालका संयोजक डा. बाबुराम भट्राइ हिउँ छिचोल्दै ७७ औं जिल्ला रुकुमपूर्व पुग्नुभएको छ । उहाँ बाग्लुङहुँदै मध्यपहाडी लोकमार्गको बाटो रुकुमपूर्व पुग्नुभएको हो ।
नयाँ शक्ति पार्टीले थालेको जनसंवाद यात्राका क्रममा उहाँ रुकुमपूवृको लुकुम आइपुग्नुभएको हो । पूर्व पाँचथरदेखि पश्चिमको बैतडीसम्म जोडिएको मध्यपहाडी लोकमार्गमा नयाँ शक्तिले जनसंवाद यात्रा थालेको छ ।
पूर्वको पाँचथरबाट शुरु भएको यो यात्रा बैतडी पुगेर टुंगिने छ । २०६४ सालमा डा. भट्टराइ प्रधानमन्त्री भएको बेला एक मध्यपहाडी लोकमार्ग निर्माण शुरु भएको थियो ।
उहाँले आज मंगलवार दुई घण्टा जनसंवाद गरेर रुकुमकोटतर्फ जाने कार्यक्रम रहेको नयाँ शक्ति पार्टी नेपाल रुकुम पूर्वका प्रतिनिधि जीतमान पुन ‘मार्शल’ले बताउनुभयो ।
माघ १५ गतेदेखि शुरु भएको नयाँ शक्तिको मध्यपहाडी लोकमार्गकेन्द्रित जनसंवाद यात्रा फागुन १५ गतेसम्म चल्ने छ ।
पूर्वप्रधानमन्त्री भट्राइलाई स्थानीय तहमा सरकारी तवरबाटै स्वागत गर्ने तयारी छ । मंगलवार भूमे गाउँपालिकामा स्वागत गरिने अध्यक्ष रामसुर बुढा मगरले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
