नेपालगञ्जबाट जाजरकोटहुँदै रुकुमकोट आठबीसकोट राडी जाँदै गरेको बस जाजरकोटको भेरी नगरपालिका १ डाँडाबिसौनामा केहीबेर अघि दुर्घटना भएको छ ।
दुर्घटनामा ४ जनाको मृत्यु भएको छ भने नौ जना घाइते भएका छन् । नेपालगञ्जबाट राडी जाँदै गरेको भे १ ख १३३९ नम्बरको बस दुर्घटना भएको हो ।
मृतकको पहिचान नभएको र घाइतेहरुको उद्धार भइरहेको घनास्थलमा रहेका रुकुमपश्चिम सानीभेरी गाउँपालिका वडा नम्बर १ का अध्यक्ष टेकबहादुर पुनले जानकारी दिनुभयो ।
बस सडकबाट खसेर नदी किनारको बगरमा पुगेको छ । मृतक एक जना डोल्पाको भएको खुले पनि नाम नखुलेको र अन्यको केही नखुलेको उहाँले बताउनुभयो ।
घाइतेहरुलाई उद्धार गरी जिल्ला अस्पताल जाजरकोट लैजाने तयारी गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
